Sinurpresa ni Vice Governor Shirley Abundo ang mga miyembros kan SP sa sinasabing banta sa saiya maging sa saiyang pamilya may relasyon sa red tagging asin posibleng pinagluluto na search warrant kan mga otoridad.
Emotional ang opisyal sa saiyang privilege speech asin pinaglahad kaini ang saiyang namamatean asin pagkahandal kung totohanan ang nagluluwas na impormasyon. Pinaglilink soboot ang bise gobernadora sa Gabriela o sa mga makakaliwang grupo na saiyang pinagpahimutikan.
Sinabi kan opisyal na saro ining seryusong bagay asin bako drama, kung kaya nangapudan siya sa lado kan mga otoridad maging DILG na tabangan siya sa saiyang kinakahampang na threat.
Pinagsabi kan opisyal na marangal ang saindang hanapbuhay asin kung ano igwa sinda ngonian, bunga ini kan paghigus kan saindang mga magurang.
Dakul ning mga nagkwestyon sa timing kan saiyang pagluwas asin nagkapira nagduda sa saying aktwasyon na posibleng may relasyon soboot sa puitika tanganing mapansinn lalo nasa peryodo na ning election.
Sa ibong na lado dakul man ning nagtau ning simpatiya asin dasal hale sa saiyang mga supporters.
********
Sa mga nagkokomentar kontra sa bise gobernadora, particular ang saiyang mga kritiko, dai ta aram ang bilog na estorya kan mga pangyayari, alagad, the mere fact na nag voice out ang bise gobernador sa huma sa saiyang buhay, ang kaipuhan ngonian iyo ang pagtumar aksyon kan saiyang mga kairiba sa hunta probinsya maging mga otoridad.
Kudos sa lado kan Barangay officials kan CAvinitan sa espwersus na tawan ning seguridad ang harong kan bise gobernador.
May mga pinagtutumbok na impormasyon ang bise gobernador asin mas magayon maimbestigaran ini kan komitiba sa paagui kan pagpaapod sa mga nanunungdan, lalo na sa impormasyon na posibleng guibuhon na raid sa saindang farm, sa harong maging sa cockpit arena.
Proactive ang kaipu digdi tanganing dai mangyari ang pinaghanandalan kan opisuyal. Mas magayon na akudiran ini kan mga nanunungdan sa pangengenot kan bagong pamayo kan PNP sa probinsya tanganing mapreventaran ang posibleng guibuhon na disturbo kung talagang patotohanan kan mga persona an mga impormasyon na nareresibo kan bise gobernador.
Sa historical background ta sa ugali asin siste kan bise gobernador, gare harayo man na pag-isipan ta na hallucination o bubuwa sana ini o saro sana ining drama. Ang saiyang pagluha asin paghagulhol mienstras na isinasaguibo ang saiyang privilege speech na spontaneous bakong maray na pagdudahan kung ano ang saiyang tunay na motibo.
In fairness, mas marhay na itong nagtaram ning amay sa publiko kaysa pinagtago asin kung igwa ning nangyari saka pa sana mapugawak ang opisyual. Igwa kitang pinag-aapod na instinct asin mas magayon kung dai mangyari ang anuman na insidente. Nuarin kita mapandong, kung nauranan na? Prevention is better than cure. Ipagdasal ta na daing mangyaring maraot na insidente sa saiyang pamilya.
Suwestyon ta, mas magayon maipaabot ini kan bise gobernador sa lado kan PNP maging sa Philippine Army tanganing ugidon ang nasa likod kan sinabi ng estorya. Remember, ang mga men in uniform man guiraray ang satong kadamay sa arog kaining mga kadifilan.
Kung talagang igwa nin huma sa buhay asin pamilya kan bise, pwede siyang maghagad nin security sa PNP personnel sa paagui kan Comelec tanganing maging exempted sa lado kan gun ban.
**********
Isyu sa national ngonian ang kahaputan kung legal ang mandatory vaccination sa mga residente?
Ang simbag, sabi kan mga eksperto, generally, dai pwede piriton ang sisay man na magpabakuna, alagad may obligasyon man ang govierno na ma-restrict sinda sa saindang movement nin huli kan banta ni covid-19.
Igwa nin inaapod na police power ang govierno tanganing eenvokar ang arog kaining polisiya komo pagtumar aksyon pabor sa general welfare kan komunidad. Segun pano sa mga eksperto, dakula ang tsansa na makahawa asin mahawaan kaagad ang mga bakong bakunado ta dai sinda ning protection, kumpara sa mga bakunado.
Ang mga employer, segun ki Senator Drilon, igwa ning Karapatan na i-restrict ang sisay man na empleyado, alagad igwa ning due process. Dapat available ang bakuna asin tinawan ning option ang empleyado asin kung talagang habo pa guiraray, may deretsu ang employer na paramientras na pabakasyunon muna ang bakong bakunado, alagad dai man siyempre nin sweldo. Parte ini kan inaapod na no work no pay policy sa mgsa pribadong sektor.
Sundo kasi ngonian, dakul pa nin nagtutubod na posibleng maging zombie ang mga bakunado. Parayo nin Mahal na Dios, ang problema kung dai sinda maging zombie, eh papano na kung kakaunon man guiraray sinda kan mga zombie hehe.
Doblado pang dasal ang kaipu ta ngonian tanganing dagus ng mapundo ang banta sa satuyang buhay kan sobra sa duwang taon nang pandemya.
Apisar kan dasal ang tamang hygiene asin pag-obserba kan health protocols ang kaipu tanganing makatabang kita sa pagbawas kan mga minapositibo sa Catanduanes.
**********
