May punto si Senator Robinhood Padilla sa pagsuwestyon na rumpagon ang partylist. Pero, mas magayon kaini, isairarom sa review ang mga probisyunes na bako tamas a Constitutional provision.

“On the basis of a uniform and progressive ratio, and those who, as provided by law, shall be elected through a party-list system of registered national, regional, and sectoral parties or organizations.

Saro sa primordial goal kan probisyon sa sectoral parties asin organization, iyo ang tawan ning representasyon ang mga nasa marginalized sector, pero, kadaklan sa mga nominees kan partylist ngonian, mga mayaman asin mga dati ng pulitiko, haen na so mga pobreng tikoy na iyo kuta na ang matau ning boses sa saindang grupo?

Nawara so esensya kan probisyon na maging representasyon kan mga daing boses asin underprivilege sa kongreso ang sinabi ng sector.

Sa requirements kan Comelec sa pagparehistro, manner ning kampanya,  obligadong mapadugo ning kwarta, kung kaya, kadaklan sa mga partylist ngonian, ang nasa likod mga poderusong financers, , pinag-oportunisaran kan mga poderoso asin mga ganid sa pwesto. Sainda na so district representatives, sainda pa so mga partylist. Dapat kung ki Cesar ki Cesar, Sa Dios sa Dios.

Obheto kan partylist system na dapat genuine representation asin bakong mga pekeng personalities.

**********

Dakul ang nataraka sa late declaration kan Malakanyang kan nagtalikod na Biyernes, makalihis na ideklara ang Friday bilang Non-Working Day dahil sa EDSa Revolution Anniversary.

Dakul sa mga opisina de govierno ang nabitin ang mga transactions makalihis ang biglaan na pasabot kan Malakanyang na “ walang pasok sa Friday’.

Ang hapot, sinadya ba o sadyang ginawa para pagtakpan ang magiging selebrasyon ng EDSA Revolution? Kung holiday economics, dapat advance ang announcement para bagay sa konsepto ng holiday economics na kaipuhan maglamierda ang mga pipol for tourism promotion.

Napansin ko man kan nagtalikod na Ninoy Anniversary, tinakpan man ito kan kontrobersiya kan Assistance sa mga estudyante ang okasyon. Dakul ang nawagas na aktibidades sa panahon ni dating Secretary Erwin Tulfo kan DSWD.

Anyway, expected man na ang presenting administrasyon kontra sa EDSA people power 1, kung kaya nagibo nin paagui tanganing ma-neutralized ang mga aktibidades kan EDSA na nagtau ning dakulang paglaom sa mga Pobreng tikoy na Pinoy.

***********

Suggestion ta sa kontrobersiya sa shortages kan sebuyas maging kan mga bagas, ano daw kung imbes na mag-import, bakalon sa mga paraoma sa rasonableng presyo ang mga sebulyas maging mga paroy.

Base sa obserbasyon, ang Teknik kan govierno tanganing magbagsak ang presyo ning produkto kan mga local farmers/suppliers, magibo ning paagui na mag-import tanganing kompetensyahon ang mga produktong pinoy.

Paltos ang sinabi ng kaisipan. Ano daw kung imbes na mag-import, bakalon maski mahal ang presyo pabor sa mga paraoma tanganing makabawi man kan saindang mga gastos, lalo pa kaining nakalipas pa sana ang pandemic. Kung maimport pano, ang benepisyado mga negosyante asin mga personang nasa likod kan importation, arog kan customs, mga commissioners kan mga transactions asin mga nasa poder.

Ang gaganaron na tongpats kan mga commissioners, iyo na sana ang kwenta ayuda sa mga paraoma ta. Common sense government.

*********

Mas lalong minainit ang issue sa pag-ultanan ninda Congressman Leo Rodriguez, DPWH asin ni Atty. Oliver Rodulfo katakod kan bidding process na pinagsasaguibo na soboot sa regional asin so dikit na kantidad iyo ang sa Catanduanes.

Sa intrevista niato sa magkaibong na lado, parehas igwa ning punto, pero, gare parehas palaban ang mga parehong alisto.

Swestyon ko na magkaigwa ning dialogue ang mga contractor sa islang kayganda maging ang DPWH maging si kongresman Rodriguez tanganing ma-adress ang problema, bako sana sa interview sa social media o sa media.

Tutal, puros man sana kwarta ang nasa likod kan sinabi ng issue, asin parehong igwa ning mga issue sa kada saro na kaipu ning mediation, ano daw kung ipaagui sa marahay nap ag-urulay tanganing dai na maglala ang sitwasyon na ultimately sakripisyado ang interes kan publiko.

May ikakasang recall election ang grupo ni Atty. Rodulfo kontra ki Rodriguez in case matapos na soboot ang prohibition na santaon. Meaning sa July 2 pa pwedeng iplantar ang movement.  Nin huli soboot ini sa dai pang nagiginibo ang kongresista.

Segun man sa reaction ning ibang observers, medyo marikas man ang move na ini ni Atty. O medyo premature so anunsyo? Anyway, deretsu man ang pagplantsar kan arog kaning measure. Pero ang bottomline, numbers game man sana ini.

Aabangan ta sa mga masunod na aldaw ang tug-of-war sa magkaibong na lado. Iba talaga ang mga alisto. (FERDIE M. BRIZO)

Advertisement